ന്യൂയോർക്ക്: ഇന്ത്യ പ്രസ് ക്ലബ് ഓഫ്‌ നോർത്ത്‌ അമേരിക്കയുടെ അന്താരാഷ്‌ട്ര സമ്മേളനം വൻ വിജയമാ‌യത്തിന്‍റെ സന്തോഷത്തിലാണ് പ്രസിഡന്‍റ് സുനില്‍ ട്രൈസ്റ്റാറും (സാമുവല്‍ ഈശോ), സെക്രട്ടറി ഷിജോ പൗലൂസും.
അതിഥികളുടെയും ക്ലബ് അംഗങ്ങളുടെ‌യും പ്രശംസ ഇരുവരും ഏറ്റുവാങ്ങി. സുനില്‍ ട്രൈസ്റ്റാര്‍ അല്ല ഫൈവ് സ്റ്റാറാണെന്ന് വി.കെ.ശ്രീകണ്ഠന്‍ എംപി പറഞ്ഞു. സെക്രട്ടറി ഷിജോ പൗലൂസും മാധ്യമ രംഗത്ത് വർഷങ്ങളു‌‌ടെ അനുഭവസമ്പത്തുള്ള വ്യക്തിയാണ്. നിരവധി പുരസ്‌കാരങ്ങളാണ് ഷിജോയെ തേടിയെത്തിയത്.
ട്രഷറര്‍ വിശാഖ് ചെറിയാന്‍, അഡ്‌വെെസറി ബോര്‍ഡ് ചെയര്‍മാന്‍ സുനില്‍ തൈമറ്റം, പ്രസിഡന്‍റ് ഇലക്ട് രാജു പള്ളത്ത്, വൈസ് പ്രസിഡന്‍റ് അനില്‍ കുമാര്‍ ആറന്മുള, ജോയിന്‍റ് സെക്രട്ടറി ആശ മാത്യു, ജോയിന്‍റ് ട്രഷറര്‍ റോയി മുളകുന്നം, കോണ്‍ഫറന്‍സ് ചെയര്‍മാന്‍ സജി എബ്രഹാം എന്നിവര്‍ ഒന്നിച്ചാണ് നീങ്ങിയത്.
അഡ്‌വെെസറി ബോര്‍ഡ് അംഗങ്ങളായ സുനില്‍ തൈമറ്റം(ചെയര്‍മാന്‍), ഷിജോ പൗലൂസ്, രാജു പള്ളത്ത്, ബിജു കിഴക്കേക്കൂറ്റ്, സുനില്‍ ട്രൈസ്റ്റാര്‍, മധു കൊട്ടാരക്കര, ടാജ് മാത്യു, ശിവന്‍ മുഹമ്മ, ജോസ്(മാത്യു വര്‍ഗീസ്), വിന്‍സന്‍റ് ഇമ്മാനുവേല്‍, റെജി ജോര്‍ജ്, ജോര്‍ജ് ജോസഫ് എന്നിവരുടെ പൂർണ പിന്തുണ‌യുമുണ്ടായിരുന്നു.
LOGIN
